MOMENTI POETICI

Questo è uno spazio dedicato interamente alla poesia fatta in casa, alla poesia di strada, alla poesia dei poveri, dei poeti che non hanno voce. Quindi, cerchiamo di preservare la bellezza di questo spazio! Confidiamo sul fatto che nessuno lo rovini.

POESIA DELLA SETTIMANA:


Li mafiusi

-----------

Li mafiusi su cuntenti
si la genti nun fà nenti,
e si sentinu m'putiri,
di ddi cosi ca un pò diri.

Ti nni ficiru faura
e ti misiru paura,
lu silenziu ti nsignaru,
nta la seggia t'attaccaru.


Si ti levi lu bavagghiu
sta facennu un grossu sbagghiu
si ha paroli assai di diri
tu pi iddi unn'ha unni iri.


E ti levanu di mmenzu,
nta lu tempu chi cci penzu,
e poi nuddu sapi nenti
nun c'è amicu nè parenti.


Ma picchì nun travagghiati,
comu fannu tutti l'atri?
Cu la manu a lu fucili
siti sulu omini vili.

La pistola nun vi serbi,
pi carmarivi li nerbi
di na vita di campari,
v'arristaru sulu spari.

Cu lu sangu chi spargiti,
vi putiti fari ziti,
a lu vostru matrimoniu,
c'è mmitatu lu demoniu.

Ezio Spataro - Agosto 2009